हिले–कुवापानीका स्थानियले दिए सडक डिभिजन कार्यालय धनकुटामा धर्ना
धनकुटा । धनकुटा नगरपालिका वडा नं १ हिले–कुवापानीका स्थानियले आज सडक डिभिजन कार्यालय धनकुटामा धर्ना दिएका छन् ।
वि सं २०७७ शशिधर निर्माण सेवाले ६४ लाख ९६ हजारमा ५ सय ४५ मिटर पक्की सडक निर्माण गर्ने ठेक्का लिएकोमा अझै काम सम्पन्न नगरेको भन्दै सामाजिक अभियान्ता तथा नागरिक उन्मुक्ती पार्टीका केन्द्रिय उपाध्यक्ष लाक्पा तामाङको अगुवाईमा स्थानियले कार्यलयमा धर्ना दिएका हुन् ।
सडक डिभिजन कार्यलयमा १ घण्ट धर्ना दिएपछि आफुहरुले धनकुटा नगरपालिकामा गई सडकको बाँकी काम छिटो पूरा गर्न पहल गरिदन आग्रह गर्दै नगर प्रमुख चिन्तन तामाङ समक्ष निवेदन समेत दिएको नागरिक उन्मुक्ती पार्टीका केन्द्रिय उपाध्यक्ष तामाङले बताउनुभयाे ।
यसैवीच उहाँले धनकुटा नगरपालिकामा हाल कार्यरत अस्थायी कर्मचारी संख्या,स्विकृत दरबन्दी, उनिहरुले पाउँदै आएको मासिक तलवभत्ताको विवरण माग गर्दै निवेदन समेत दिनुभएकाे छ ।
निवेदनमा भनिएको छ “नेपालको संविधान २०७२ को सूचनाको हक अन्र्तगत भाग ३ धारा २७ बमोजिम यस धनकुटा नगरपालिकामा हाल कार्यरत अस्थायी कर्मचारीहरुको स्विकृत दरबन्दी, कार्यरत अस्थायी कर्मचारी लगायत उनिहरुको मासिक तलवभत्ता समेत सम्पूर्ण विवरण उपलब्ध गराई जनताको लोकतान्त्रिक अधिकार सूनिश्चित गराईदिनुहुन यसै निवेदन सहित विनम्र अनुरोध गर्दछु ।”
