नयाँ गठबन्धन भत्काउन कांग्रेस सक्रिय
काठमाडौं। नेकपा एमाले र नेकपा माओवादी केन्द्रको गठबन्धन भत्काउन कांग्रेस सक्रिय भएको छ।वैकल्पिक सत्ता गठवन्धनका लागि पहलकदमी गरिरहेको कांग्रेसले नेकपा एस नेता माधवकुमार नेपाल ‘कन्भिन्स’ भएको बताएको छ।
नेकपा एसका अध्यक्ष माधवकुमार नेपाल र सभापति शेरबहादुर देउवा र रमेश लेखकबीच भेटबार्ता भए पछि कांग्रेसले सो दावी गरेको हो ।
सो भेटवार्तामा सहभागी कांग्रेस नेता रमेश लेखकले अध्यक्ष नेपालसँग खुलेर कुराकानी भएको र छलफल सकारात्मक भएको जनाएका छन्।
परिवर्तित विकसित राजनीतिक घटनाक्रमका बारेमा छलफल भएको छ। कांग्रेस र नेकपा एसका बिचमा सकारात्मक कुराकानी भएको र छलफललाइ निरन्तरता दिने गरी आजको कुराकानी भएकाे जनाइएको छ।
