धनकुटामा १२ प्रतिशत मात्र धान रोपाईं
धनकुटा,१४ असार । धनकुटामा असारको दोस्रो साता बित्न लाग्दा जम्मा १२ प्रतिशत खेतमा मात्र धान रोपाई भएको छ ।
धनकुटामा असारे धान खेती हुने करिब ५ सय ९२ हेक्टर मध्ये अहिले सम्म १२ प्रतिशत खेतमा धान रोपाइ भएको कृषि ज्ञान केन्द्र धनकुटाका सुचना अधिकारी रत्न बहादुर ठाडा मगरले जानकारी दिनु भयो ।
धनकुटामा अधिकांश खेत आकासे पानीको भरमा रोपाइ गर्नु पर्ने भएको र अहिले खेत रोपाई गर्नका लागि प्रयाप्त बर्षा नभएकोले तुलनात्मक रुपमा खेतीको प्रतिशत कम भएको मगरको भनाई छ ।
धनकुटाको लेगुवा, आहाले, महाभारत, तांखुवा, परेवादिन लगायतका जिल्लाका अन्य स्थानमा असारे धान खेती हुने गरेको छ । धनकुटामा उन्नतजातको धानको खेती भन्दा स्थानिय जातको धानको खेती बढी हुने गरेको कृषि ज्ञान केन्द्र धनकुटाले जनाएको छ ।-फाइल तस्बीर
