पत्रकार महासंघ जिल्ला शाखा धनकुटाको अध्यक्षमा विदुर खवास सर्वसम्मत
धनकुटा,२९ मंसिर । नेपाल पत्रकार महासंघ जिल्ला शाखा धनकुटाको १३ औं अधिवेशनले सर्वसम्मतरुपमा जिल्ला कार्यसमिति चयन गरेको छ ।
महासंघको १३ औं अधिवेशनबाट नेपाल पत्रकार महासंघ जिल्ला शाखा धनकुटाको अध्यक्षमा विदुर खवास सर्वसम्मतरुपमा चयन हुनुभएको छ । यसैगरि शाखाको उपाध्यक्षमा डण्डीकेशर कट्टेल(रबिन) चयन हुनुभएको छ ।
यसैगरि शाखाको महिला उपाध्यक्षमा सर्मिला राई चयन हुनुभएको छ । शाखाको सचिवमा हरिवहादुर लम्जेल चयन हुनुभएको छ । महासंघको खुल्ला सह सचिवमा इश्वर थापा चयन हुनु भएको छ भने सह सचिव(समावेशी) तर्फ विश्वराज श्रेष्ठ चयन हुनु भएको छ ।
यसैगरि कोषाध्यक्षमा नारायण कुमार आठपहारिया चयन हुनुभएको छ । यसैगरि महिला सदस्यमा चांदनी राई, दलित सदस्यमा विशाल लम्जेल, आदिवासी जनजातीमा सफलमान राई, अन्य समाबेशी सदस्यमा अजय सन्तोषी राई सर्वसम्मतरुपमा चयन हुनुभएको छ ।
यसैगरि खुल्ला सदस्यहरुमा सन्तोष सुवेदी, विजय शेखर श्रेष्ठ, अनिता राई, सप्टिका राई र कल्पना तामांग चयन हुनु भएको छ ।
अधिवेशनले प्रदेश परिषद सदस्यमा टकलाल राई,बिकास घिमिरे,नयराज नेपाल,सुखकला राई र देवकला कार्की चयन गरेको छ भने केन्द्रीय परिषद सदस्यमा सञ्जयसन्तोषी राई, रमेशचन्द्र अधिकारी र मानवी मोक्तान चयन हुनुभएको छ ।
स्थापनाकालदेखि सर्वसम्मतरुपमा नेतृत्व चयन हुँदै आएको नेपाल पत्रकार महासंघ जिल्ला शाखा धनकुटाको यस अधिवेशन पनि सर्वसम्मतरुपमै जिल्ला शाखाको नेतृत्व चयन गरिएको हो ।
महासंघको तीनै तहको निर्वाचन आज बिहान १० बजेदेखि ४ बजे सम्म हुने भएकोले औपचारिक रुपमा परिणाम भने घोषणा हुन बांकी रहेको छ ।
