एमाले सचिवालय बैठक बस्दै
काठमाडौं, पुस १०। सत्तारुढ नेकपा (एमाले) को सचिवालय बैठक आज बस्ने भएको छ । ललितपुर च्यासलस्थित पार्टी केन्द्रीय कार्यालयमा अहिले बिहान ११ बजे बस्ने सचिवालय बैठकले केन्द्रीय कमिटी बैठकको मिति तय गर्नेछ ।
एमाले प्रचार विभाग प्रमुख तथा स्थायी कमिटी सदस्य राजेन्द्र गौतमका अनुसार एमालेले पुसभित्रै केन्द्रीय कमिटी बैठक बोलाउने तयारी गरेको छ । आजको बैठकमा स्थानीय तह उपनिर्वाचन र सरकारको कामको समीक्षा, पार्टीको सांगठनिक कामको पनि समीक्षा गरिने छ ।
त्यस्तै, बैठकमा स्थानीय तह उपनिर्वाचन र सरकारको कामको समीक्षा साथै पार्टीको सांगठनिक कामको पनि समीक्षा गरिने छ । बैठकमा समसामयिक राजनीतिक विषय तथा आगामी केन्द्रीय कमिटी बैठकको मिति र एजेण्डा तय गर्ने कार्यसूची रहेको छ।
