साँगुरीगढी गाउँपालिका स्तरीय राष्ट्रपति रनिङ शिल्ड प्रतियोगितामा भानु माध्यमिक विद्यालयलाई प्रथम स्थान
धनकुटा,२१ पुष । सातौं साँगुरीगढी गाउँपालिका स्तरीय राष्ट्रपति रनिङ शिल्ड प्रतियोगितामा डाँडाबजारको भानु माध्यमिक विद्यालयले प्रथम स्थान हासिल गरेको छ ।
प्रतियोगितामा १८ स्वर्ण र ५ रजत सहित कुल २३ पदक जित्दै भानु माध्यमिक विद्यालयले प्रथम स्थान हासिल गरेको हो । त्यस्तै लक्ष्मी माध्यमिक विद्यालय खुडीले ६ स्वर्ण र ८ रजत जित्दै दोस्रो स्थाना प्राप्त ग¥यो ।
वुढिमोरङको रामनवमी माध्यमिक विद्यालयले ३ स्वर्ण र १० रजत पदक जित्दै प्रतियोगितामा तेस्रो स्थान प्राप्त गर्न सफल भयो । प्रतियोगिताका विजेता खेलाडीहरुलाई प्रमुख अतिथि साँगुरीगढी गाउँपालिका अध्यक्ष जितेन्द्र राईले पुरस्कार वितरण गरेका थिए ।
साँगुरीगढी गाउँपालिका प्रायोजक रहेको प्रतियोगिताको आयोजना लक्ष्मी माध्यमिक विद्यालय खुडीले गरेको थियो ।
