झापाबाट ठुलो परिमाणमा प्रतिवन्धित लागूऔषध ब्राउनसुगर सहित ३ जना पक्राउ
झापा, माघ ०४ गते । झापाको मेचीनगर नगरपालिका-६ र भद्रपुर नगरपालिका-३ स्थितबाट ठुलो परिमाणमा प्रतिवन्धित लागूऔषध ब्राउनसुगर सहित ३ जनालाई प्रहरीले पक्राउ गरेको छ ।
माघ २ गते राती विशेष सुचनाको आधारमा मेचीनगर-६ स्थित मेचीपुलमा इलाका प्रहरी कार्यालय काँकरभिट्टा र लागूऔषध नियन्त्रण व्युरो काँकरभिट्टा बाट खटिएको प्रहरी टोलीले चेकजाँचको क्रममा झापा अर्जुनधारा नगरपालिका-८ का ३५ बर्षीय अर्जुन श्रेष्ठ र भारत वेष्ट बंगाल दार्जेलिङका ३० बर्षीय मो. अनवर हुसेनलाई ६ ग्राम ६६० मिलिग्राम ब्राउन सुगर र नेपाली रुपैया २० हजार सहित पक्राउ गरेको हो भने उनिहरुलाई सोधपुछ तथा अनुसन्धानको क्रममा भद्रपुर नगरपालिका-३ कि ४५ बर्षीया दोमासी राजबंशीले घरमा ब्राउनसुगर लुकाई राखेको छ भन्ने जानकारी गराएकोमा राजबंशीको घर खानतलासी गर्ने क्रममा २०१ ग्राम १९० मिलिग्राम ब्राउन सुगर प्रहरीले बरामद गरेको थियो ।
प्रतिवन्धित लागूऔषध ब्राउन सुगर सहित पक्राउ परेका तीनै जनाको इलाका प्रहरी कार्यालय काँकरभिट्टाबाट थप अनुसन्धान तथा आवश्यक कानूनि कारवाही भईरहको छ ।
