वक्रकुण्ड मन्दिर क्षेत्रमा भगवान गौतम वुद्वको मूर्ति निर्माण गरिने,मेयर तामाङले गरे शिलान्यास
धनकुटा,१४ फागुन । धनकुटा जिल्लाको धनकुटा नगरपालिका १ हिले स्थित धार्मिक एवं पर्यटकिय स्थल श्री वक्रकुण्ड मन्दिर क्षेत्रमा भगवान गौतम वुद्वको मूर्ति निर्माण गरिने भएको छ ।
आज उक्त मूर्तिको धनकुटा नगरपालिकाका मेयर चिन्तन तामाङले शिलान्यास गर्नु भएको छ ।
प्रदेश सरकारबाट प्राप्त १० लाख बजेट मार्फत १२ फुट अग्लो मूर्ति बनाइने मन्दिर व्यवस्थापन समितीका अध्यक्ष लालचन गाेङ्वाले बताउनु भयो ।
मन्दिर निर्माण कार्य पूरा गर्नका लागि हिले बजारका स्थानिय र धनकुटा नगरपालिकामा पनि आर्थिक सहयोगको लागि पहल गरिने उहाको भनाई छ ।
मन्दिर परसरको डांडामा अवलाेकेत्यश्वर ( चेन्गरेसि) भगवान गौतम वुद्दको स्तम्भ (कु) निर्माण गरिने भएको छ ।
