पाख्रिबासमा ट्रक दुर्घटना,चालक घाइते
धनकुटा,२३ फागुन । धनकुटामा ट्रक दुर्घटना भएको छ ।
जिल्लाको पाख्रिबास नगरपालिका ३ सिंहदेवी चौकमा भोजपुरबाट ईनारुवा तर्फ गोलिया लिएर जादै गरेको को १ख ६२३२ नम्बरको ट्रक बिहिवार बेलुका आफै अनियन्त्रित भई सडकबाट २०मिटर तल खस्दा दुर्घटना भएको हो ।
दुर्घटनामा ट्रक चालक धनकुटा नगरपालिका ९ बेलाहरा बस्ने अन्दाजी २५ बर्षिय सन्दिप बस्नेत घाइते भएका छन् । घाइते बस्नेतको टाउकोमा चोट लागेको र स्थानिय हिले पोलिक्लिनिक पाख्रीबासमा सामान्य उपचार पश्चात थप उपचारको लागि बिपी कोइराला स्वास्थ्य विज्ञान प्रतिष्ठान धरान लगिएको जिल्ला प्रहरी कार्यालय धनकुटाका प्रवक्ता डीएसपी ओमप्रकाश खनालले धनकुटा खबरलाई जानकारी दिए ।
सह चालक सुनसरी जिल्लाको धरान उपमहानगरपालिका -६ बस्ने २८ बर्षिय बिपुल भुजेल भने सकुशल रहेका छन् ।
