ताप्लेजुङमा करेन्ट लागेर बोलेरोमा आगलागी प्रकरण : परिवारले क्षतिपूर्ति र रोजगारीको माग राख्दै शव बुझ्न अस्वीकार
ताप्लेजुङ । ताप्लेजुङमा करेन्ट लागेर बोलेरोमा आगलागी हुँदा चार जनाको ज्यान गएपछि पीडित परिवारले क्षतिपूर्ति र रोजगारीको माग राख्दै शव बुझ्न अस्वीकार गरेका छन्।
मृतकमध्ये तीन जना एउटै परिवारका थिए। घाइते दुई जनालाई काठमाडौं पठाइएको छ।
नेपाल विद्युत प्राधिकरणका अनुसार चट्याङले पोलमा रहेको तार झरेको र त्यो गाडीको छतमा अड्किँदा दुर्घटना भएको हो।
प्राधिकरणका अधिकारीहरूले यो ‘भवितव्य’ दुर्घटना भएको दाबी गर्दै घटनाबारे विस्तृत अध्ययन गर्ने बताएका छन्।
