उर्लाबारीमा युवकको शव धान खेतमा फेला
उर्लाबारी, २० साउन । मोरङको उर्लाबारी नगरपालिका–८ निवासी शुशिल लिम्बु मंगलबार बिहान आफ्नै घरको आँगनसँग जोडिएको धानखेतमा मृत अवस्थामा फेला परेका छन् ।
ईलाका प्रहरी कार्यालय उर्लाबारीका अनुसार लिम्बु धानखेतमा घोप्टो परेको अवस्थामा देखिएका लिम्बुलाई उनका दाजु र काकाले उठाउने प्रयास गर्दा उनि मृत अवस्थामा फेला परेको प्रहरीलाई जानकारी गराईएको, प्रहरीले जनाएको छ ।
ईलाका प्रहरी कार्यालय उर्लाबारीका प्रहरी निरीक्षक रञ्जन बरालका अनुसार मृतकको नाकको दायाँ प्वालबाट रगत बगेको, हातखुट्टा कक्रिएको अवस्थामा शव फेला परेको बताउनु भयो ।
प्रारम्भिक अवस्थाबाट मृत्युको कारण स्पष्ट नभएकाले घटनालाई शंका जनाउँदै अनुसन्धान भइरहेको प्रहरीले जनाएको छ ।
हाल शवको मुचुल्का संकलन गरी पोष्टमार्टमका लागि प्रक्रिया अघि बढाइएको छ । पोष्टमार्टम रिपोर्टपछि मृत्युको कारणबारे थप विवरण खुल्ने प्रहरीको भनाइ छ ।-पूर्वी प्रेस
