धनकुटामा २ हजार ६ सय ७२ मेट्रिकटन सुन्तला उत्पादन
धनकुटा,६ भदौ । धनकुटामा आर्थिक वर्ष २०८१÷८२ मा २ हजार ६ सय ७२ मेट्रिकटन सुन्तला उत्पादन भएको छ ।
रोग किराको प्रकोपका कारण समस्यामा रहको सुन्तला खेती २०८१÷८२ मा ५ सय २ हेक्टरमा गरिएको खेती बाट २ हजार ६ सय ७२ मेट्रिकटन सुन्तला उत्पादन कृषि ज्ञान केन्द्र धनकुटाले जनाएको छ ।
सरकारी दररेट अनुसार धनकुटामा २२ करोड ४५ लाख ३२ हजार मूल्य बराबरको सुन्तला उत्पादन भएको कृषि ज्ञान केन्द्र धनकुटाका प्रमुख नगेन्द्र रानाले जानकारी दिनु भयो । धनकुटाका सात वटै स्थानिय तहमा सुन्तलाको खेती हुने गरेको छ ।
पछिल्ला वर्षमा सुन्तला खेती मासिदै जाँदा किसान लाई भने चिन्ताले सताएको छ भने कति पय किसानले खेतीको विकल्प समेत खोज्न थालेका छन् ।
