सोलुखुम्बुको सोताङमा आगलागी
सोलुखुम्बु । सोलुखुम्बु जिल्लाको सोताङ गाउँपालिका–४ मा अवस्थित एक गोठमा आगलागी भएको छ । पाखेपा निवासी केमान्य तामाङको छिरिङकोमा अवस्थित गोठमा चित्राको बेरा र त्रिपालले छाएको गोठमा करिब २० गते बिहान ६ बजे गोठभित्र आगो बालेर बाहिर जाँदा आगलागी भएको हो।
आगलागी हुँदा माउ भैंसी र दुई वटा पाडो घाइते भएका जिल्ला प्रहरी कार्यालय सोलुखुम्बुले जनाएको छ । गोठमा आगो सल्किएपछि आगो स्वयम् करिब ७ ः३० बजे आफै नियन्त्रणमा आएको बताइएको छ।
वडा सदस्य सन्देश तामाङले उक्त घटना बारे कातिक २१ गते बिहान ९ः३० बजे प्रहरी चौकी सोताङमा जानकारी दिएपछि सन्तोष तामाङको कमाण्डमा दुई जनाको टोली घटनास्थल पुगेर विवरण संकलन गरी बुझदाँ आगलागीका कारण गोठभित्र बाधिएको माउ भैंसीको ढाड, खुट्टाको फिला (जङ्घा) र भुँडीको भाग जलेको छ भने दुईवटा पाडामध्ये एकको कान जलेको र अर्को पाडोको बाहिरी छालाको भाग पूर्ण रूपमा जलेको छ।
पाडो गम्भीर अवस्थामा रहेको प्रहरीले जनाएको छ। आगलागीमा मानवीय क्षति भने नभएको प्रहरीले पुष्टि गरेको छ । तर गोठ, भित्रका लत्ताकपडा जलेको र पशुहरूमा ठूलो आर्थिक क्षति भएको बताइएको छ।-सोलु एफएम
