लेटाङमा यसरी हात्तीको हुल प्रवेश गरेपछि…
लेटाङ । लेटाङ–९ जाँतेस्थित गणेश मन्दिर आसपासको क्षेत्रमा करिब २०–२२ वटा हात्तीको हुल प्रवेश गरी स्थानीय खेतका धानबाली नष्ट गरेको छ । घटना आज साँझ साढे आठ बजेतिर भएको हो ।
स्थानीयवासीका अनुसार हात्तीको ठूलो झुण्डले खेतबारीमा पसेर धान खाएको र केही बारीमा पूरै क्षति पु¥याएको बताइएको छ । अहिले पनि हात्तीहरू सो क्षेत्रमै रहेको अनुमान गरिएको छ ।
सुरक्षाका दृष्टिले स्थानीय प्रशासन र वन कार्यालयलाई जानकारी गराइसकिएको छ । स्थानीयहरूलाई रातिको समयमा बाहिर ननिस्कन र सजग रहन अनुरोध गरिएको छ ।
