सुदन किराँतीले छाडे प्रलोपा, साधारण सदस्य समेत नरहने
काठमाडौं, ९ बैशाख । प्रगतिशील लोकतान्त्रिक पार्टी (प्रलोपां) का नेता सुदन किरातीले पार्टीको साधारण सदस्य समेत नरहने गरी राजीनामा दिएका छन् ।
आज सामाजिक सञ्जाल फेसबुकमार्फत उनले पार्टीसँगको करिब ५ महिना लामो यात्रा टुङ्ग्याएको घोषणा गर्दै उनले पार्टीको जिम्मेवारीवाट अलग भएको घोषणा गरेका हुन ।
किरातीले पार्टीमा बिताएको ५ महिनाको अनुभवलाई ‘अमूल्य सम्पत्ति’ को रूपमा आत्मसाथ गरेकोसमेत उल्लेख गरेका छन ।
यस अवधिमा मार्गदर्शन गर्ने नेता, सहकार्य गर्ने साथी र कर्मचारीहरूप्रति हार्दिक धन्यवाद व्यक्त गरेका छन् ।
