रास्वपामा महाधिवेसन तयारी तिब्र, ७७ जिल्लाका लागि तोकिए केन्द्रिय प्रतिनिधि
काठमाडौं, ६ बैशाख । राष्ट्रिय स्वतन्त्र पार्टी (रास्वपा)ले महाधिवेसन केन्द्रित गतिबिधिलाई तिब्रता दिएको छ।
जसअनुसार रास्वपाले वडा, पालिका, जिल्ला भेला तथा अधिवेशनलाई समन्वयात्मक र सहजीकरण गर्नका लागि देशका ७७ वटै जिल्लामा केन्द्रीय प्रतिनिधि खटाउने निर्णय लिएको छ।
केन्द्रीय सदस्य, सांसद, सङ्घीय नेतृत्व मञ्च तथा केन्द्रीय विभागका पदाधिकारी एवं सदस्यलाई ७७ जिल्लामा नै जिल्लागत जिम्मेवारी तोकेको छ।
हालै सम्पन्न केन्द्रिय समितिको बैठक पछि मंगलवार स्थानीय तहदेखि जिल्ला तहसम्म हुने सङ्गठनात्मक भेला, अधिवेशन र आन्तरिक संरचना व्यवस्थापनलाई प्रभावकारी बनाउन उक्त जिम्मेवारी बाँडफाँट गरिएको उसले जनाएको छ ।
