धनकुटाका केही स्थानमा आज बिद्युत सेवा अवरुद्द हुने
धनकुटा,जेठ ९ । नेपाल विद्युत प्राधिकरण धनकुटा वितरण केन्द्रले शनिबार(आज) विद्युत सेवा अवरुद्ध हुने जनाएको छ ।
प्राधिकरणका अनुसार आज बिहान ११ बजेदेखि साँझ ५ बजेसम्म ११ केभी राजारानी फिडर अन्तर्गत आवश्यक लाइन मर्मत तथा सम्भार कार्य गरिने भएकाले विद्युत सेवा अवरुद्ध हुने भएको हो ।
उक्त अवधिमा डाँडाबजार, खुवाफोक, मादेन, राजारानी, बुधुक तथा बुधबारे लगायतका क्षेत्रमा विद्युत सेवा प्रभावित हुने प्राधिकरणले जनाएको छ ।
निर्धारित समयअघि नै मर्मत कार्य सम्पन्न भएमा सो समयभन्दा अगावै विद्युत सेवा सुचारु गरिने पनि प्राधिकरणले जानकारी दिएको छ ।
सेवा अवरुद्धबाट ग्राहकवर्गमा पर्न जाने असुविधाप्रति नेपाल विद्युत प्राधिकरण धनकुटा वितरण केन्द्रले क्षमायाचना गरेको छ ।
