नेपाली कांग्रेस सुदूरपश्चिम प्रदेशको प्रमुख सचेतकमा खड्का नियुक्त
धनगढी । नेपाली कांग्रेस सुदूरपश्चिम प्रदेश संसदीय दलको प्रमुख सचेतकमा सरस्वती खड्का नियुक्त भएकी छन्। संसदीय दलका नेता एवं मुख्यमन्त्री कमल बहादुर शाहले उनलाई प्रमुख सचेतकको जिम्मेवारी सुम्पिएका हुन्।
नवनियुक्त प्रमुख सचेतक खड्का हाल सुदूरपश्चिम प्रदेशको सामाजिक विकास राज्यमन्त्रीको जिम्मेवारीमा समेत छिन्।
यसअघि प्रमुख सचेतकको भूमिकामा रहेका विक्रमसिंह धामीले आफ्नो पदबाट राजीनामा दिएपछि रिक्त रहेको उक्त स्थानमा खड्कालाई नियुक्त गरिएको कांग्रेस संसदीय दलको कार्यालयले जनाएको छ।
