धनकुटाको पाख्रीबासमा गरियो नौमती बाजा ‘बेठी’सहितको रोपाइँ(फोटो फिचर)
धनकुटा । धनकुटाको पाख्रीबास नगरपालिका–४ स्थित निरौला घुम्तीमा पराम्परागत ‘बेठी’सहितको ठूलो रोपाइँ गरिएको छ। स्थानीय कृषक दुर्गबहादुर निरौलाको खेतमा नौमती बाजागाजा सहित सामूहिक रूपमा रोपाइँ गर्दै असार १५ अर्थात् राष्ट्रिय धान दिवस मनाइएको हो।
‘मानो रोपेर मुरी फलाउने’ दिनका रूपमा परिचित असार १५ नेपाली कृषि संस्कृतिको महत्वपूर्ण पर्व मानिन्छ। यसै अवसरमा दही–चिउरा खाने परम्परासँगै गाउँघरमा सामूहिक रूपमा रोपाइँ गर्ने चलन रहेको छ।
विशेषगरी ठूला खेतहरूमा बाजागाजा सहित सामूहिक रूपमा गरिने रोपाइँलाई ‘बेठी’ भनिन्छ। यसले श्रमको आदानप्रदान मात्र नभई गाउँको सामाजिक सद्भाव, आपसी सहयोग र मौलिक संस्कृतिलाई समेत जीवन्त राख्ने काम गर्दै आएको छ।
पाख्रीबासमा आयोजित यस ‘ठूलो रोपाइँ’ले परम्परागत कृषि संस्कृति जोगाउने र नयाँ पुस्तालाई आफ्नो मौलिक परम्पराप्रति आकर्षित गर्ने सन्देश दिएको स्थानीयले बताएका छन्।
Screenshot
Screenshot
Screenshot
Screenshot
Screenshot
Screenshot
Screenshot
Screenshot
