सुकुना माध्यमिक विद्यालय घटना: थप एक जना नृत्य प्रशिक्षक पक्राउ
विराटनगर । मोरङको सुन्दरहरैँचा नगरपालिका–१० खोर्सानेस्थित सुकुना माध्यमिक विद्यालयमा शिक्षकहरूले विद्यार्थीमाथि दुर्व्यवहार गरेको आरोपमा भइरहेको अनुसन्धानका क्रममा प्रहरीले थप एक जनालाई पक्राउ गरेको छ।
जिल्ला प्रहरी कार्यालय मोरङका अनुसार घटनामा संलग्न रहेको आरोपमा झापाको बुद्धशान्ति गाउँपालिका–७ निवासी ३९ वर्षीय नृत्य प्रशिक्षक भिमप्रसाद नेपाललाई साउन ५ गते नियन्त्रणमा लिइएको हो।
प्रहरीले पक्राउ परेका नेपालमाथि थप अनुसन्धान भइरहेको जनाएको छ।
यसअघि विद्यालयमा विद्यार्थीमाथि भएको भनिएको दुर्व्यवहारको घटनापछि प्रहरीले अनुसन्धान अघि बढाएको थियो। सोही अनुसन्धानका क्रममा थप व्यक्तिको संलग्नता देखिएपछि नृत्य प्रशिक्षक नेपाललाई पक्राउ गरिएको जिल्ला प्रहरी कार्यालय मोरङले जनाएको छ।
