मोटरसाइकलले साइकललाई ठक्कर दिँदा पाँच जना घाइते
कपिलवस्तु । कपिलवस्तुको शुद्धोधन गाउँपालिका–६ बिमियास्थित तौलिहवा–भैरहवा सडकखण्डमा मोटरसाइकलले साइकललाई ठक्कर दिँदा पाँच जना घाइते भएका छन्।
बिमियाबाट पकडीतर्फ आउँदै गरेको लु ३३ प १५७७ नम्बरको डिस्कभर १२५ सीसी मोटरसाइकलले सोही दिशातर्फ जाँदै गरेको साइकललाई ठक्कर दिँदा दुर्घटना भएको हो।
दुर्घटनाको खबर प्राप्त हुनासाथ इलाका प्रहरी कार्यालय पकडीबाट प्रहरी सहायक निरीक्षकको कमान्डमा ६ जना ट्राफिकसहितको टोली घटनास्थल पुगेको थियो। प्रहरीले घाइतेहरूको उद्धार गरी उपचारका लागि नेशनल हेल्थ केयर सेन्टर पकडी, कपिलवस्तु पठाएको जनाएको छ।
घाइते हुनेमा साइकलयात्री मायादेवी गाउँपालिका–२ भैसकुण्डाका ५० वर्षीय रामऔतार लोध रहेका छन्। उनको ढाड, बायाँ हातको कुहिनो र काँधमा चोट लागेको छ। उनको अवस्था मध्यम रहेको प्रहरीले जनाएको छ।
