सुनसरीमा अज्ञात पुरुषको शव फेला, पहिचानका लागि प्रहरीको आग्रह
सुनसरी । सुनसरीको भोक्राहा नरसिंह गाउँपालिका–४ मा अन्दाजी ३०/३२ वर्षीय एक पुरुष मृत अवस्थामा फेला परेका छन्।
प्रहरीका अनुसार गत साउन ३० गते दिउँसो करिब २ बजे बाटोको छेउमा नाम, थर र वतन नखुलेका मधेसी मूलका जस्तो देखिने पुरुष अचेत अवस्थामा फेला परेका थिए। स्थानीयवासी र प्रहरीको सहयोगमा उनलाई उपचारका लागि जिल्ला अस्पताल सुनसरी, इनरुवा लगिएको थियो।
अस्पतालमा चिकित्सकले दिउँसो २ः३३ बजे उनलाई मृत घोषणा गरेका थिए। मृतकको हालसम्म सनाखत हुन सकेको छैन।
प्रहरीले मृतकको फोटो हेरेर पहिचान गर्न सक्ने व्यक्तिले उनका आफन्त वा चिनजानका व्यक्तिलाई जानकारी गराउन तथा जिल्ला प्रहरी कार्यालय सुनसरीमा सम्पर्क गर्न अनुरोध गरेको छ।
सम्पर्क नम्बर: ९८५२०९०१२७, ९८५२०४१०६४
