धनकुटाका विभिन्न क्षेत्रमा शनिबार विद्युत सेवा अवरुद्ध हुने
धनकुटा । नेपाल विद्युत प्राधिकरण धनकुटा वितरण केन्द्रले शनिबार ११ केभी जितपुर फिडरअन्तर्गतका विभिन्न क्षेत्रमा विद्युत सेवा अवरुद्ध हुने जनाएको छ।
प्राधिकरणका अनुसार भोलि भदौ २० गते शनिबार बिहान १० बजेदेखि साँझ ६ बजेसम्म सिधुवादेखि जितपुरतर्फ आउने ११ केभी लाइन आसपास रहेका रुख, हाँगा, बाँस तथा झाडी कटान (बुस कटिङ), डिक्स तथा पिन परिवर्तन, जम्पर टाइट गर्ने लगायतका लाइन मर्मत तथा सम्भारका काम गरिनेछ।
उक्त अवधिमा आहाले, नेता चोक, देउराली, निगाले, सिरिसे, अर्खौले, ढोडे र याङ्लाबुङ लगायतका क्षेत्रमा विद्युत सेवा अवरुद्ध हुने प्राधिकरणले जनाएको छ।
निर्धारित समयभन्दा अगावै मर्मतको काम सम्पन्न भएमा सोहीअनुसार विद्युत सेवा पनि छिट्टै सञ्चालनमा ल्याइने वितरण केन्द्रले जनाएको छ।
मर्मतका क्रममा विद्युत सेवा अवरुद्ध हुँदा ग्राहकमा पर्न जाने असुविधाप्रति नेपाल विद्युत प्राधिकरण धनकुटा वितरण केन्द्रले क्षमायाचना गरेको छ।
