उत्तरपानी युवा क्लबद्वारा वृद्धाश्रमका ज्येष्ठ नागरिकलाई भोजन
धनकुटा । धनकुटाको मुलघाटस्थित विश्रान्ति वृद्धाश्रममा रहेका असहाय तथा ज्येष्ठ नागरिकलाई कृष्ण जन्माष्टमीको अवसरमा पाख्रीबास नगरपालिका–९, उत्तरपानीका उत्तरपानी युवा क्लबले एक छाक भोजन गराएका छन्।
आफ्ना स्वर्गीय मातापिता तथा पुर्खाको सम्झनामा युवा क्लबले वृद्धाश्रममा रहेका ज्येष्ठ नागरिकलाई भोजन गराएका हुन्।
उत्तरपानी युवा क्लबका अध्यक्ष तथा वडा सदस्य पहलमान घिसिङले वि.सं. २०७० सालदेखि प्रत्येक वर्ष कृष्ण जन्माष्टमीका दिन वृद्धाश्रममा भोजन गराउँदै आएको बताउनुभयो। उहाँका अनुसार यस वर्षसँगै यो सेवाले निरन्तरता पाएको १७ वर्ष पुगेको छ।
समाजसेवाको भावनाले सुरु गरिएको यस अभियानलाई आगामी दिनमा समेत निरन्तरता दिने उहाँले बताउनुभयो।
यसैगरी, पाख्रीबास नगरपालिका–९ का वडा अध्यक्ष सम्झना आले, उत्तरपानी धर्मशाला सामुदायिक होमस्टे सञ्चालन समितिका अध्यक्ष दिलु तामाङ, उपाध्यक्ष रामज्योति योन्जनसहित लक्ष्मी तामाङ, इन्द्रावती तामाङ र मनमाया तामाङले आश्रममा रहेका ज्येष्ठ नागरिकलाई जुस, बिस्कुट तथा पानी वितरण गर्नुभएको थियो।
