बसको ठक्करबाट धनकुटाका ३ जना बिद्यार्थीहरु गम्भिर घाईते, चालक नियनत्रणमा
धनकुटा खबर, चैत ७ । अनियन्त्रीत भएको बसको ठक्करबाट एसइइ परिक्षा दिएर फर्कदै गरेका धनकुटाका ३ जना विद्यार्थीहरु गम्भीर घाइते भएका छन् ।
संखुवासभाको मुढे शनिश्चरेबाट धरान जाँदै गरेको को १ ख २९३२ नम्बरको बसले धनकुटाको जोरपाटीमा ठक्कर दिदा बिद्यार्थीहरु घाईते भएका हुन् ।
घाईते हुने बिद्यार्थीहरुमा तांखुवा ९ का दोर्जे शेर्पा, सोहि स्थानका अञ्जना मगर र एलिसा ओझा घाइते भएको प्रहरीले जनाएको छ ।
घाइते बिद्याथीहरुकको सदरमुकाम धनकुटामा उपचार हुन नसकी धरान बिपि मेमोरीयल प्रतिष्ठानमा उपचारका लागि पठाईएको धनकुटा अस्पतालले जानकारी दिएको छ ।
बस चालक भोजपुर दोभाने ८का मिनकुमार राई प्रहरी नियन्त्रण रहेको ट्राफिक प्रहरीले जानकारी दिएको छ ।
स्टेरिङ फेल भई बस अनियन्त्रित हुंदा उक्त दुर्घटना भएको ट्राफिक प्रहरी कार्यालय धनकुटाका प्रहरी सहायक उपरीक्षक सुरेन्द्र खड्काले जानकारी दिनुभयो ।
