युकेबासी नेपाली किराँतीहरुद्वारा पाख्रीबासको समितिलाई आर्थिक सहयोग
धनकुटा खबर, बैशाख २४ । किराँत भाषा उत्थान तथा संरक्षण समिति पाख्रीबासलाई युकेबासी नेपाली किराँतीहरुले आर्थिक सहयोग गरेका छन् ।
संस्थाको स्तरोन्नतीका लागि उनीहरुले समितिलाई ३ लाख ५० हजार आर्थिक सहयोग गरेका हुन् ।
राजमान राईको नेतृत्वमा संकलित सो रकम आज धनकुटाको पाख्रीवासमा आयोजित एक कार्यक्रमको वीच समितिका उपाध्यक्ष श्याम प्रकाश राई,संयोजक डागम कुमार राई र सचिव केशव राईलाई हस्तान्तरण गरिएको छ ।
साथै किराँतीहरुको अभौली पर्व, चण्डी पूर्णीमा विविध कार्यक्रमको आयोजना गरी पाख्रीवासमा मनाईने भएको छ । यही वैशाख २७ गते पर्ने उभौली पर्वका लागि तयारी शूरु गरिएको किराँत भाषा उत्थान तथा संरक्षण समितिका उपाध्यक्ष श्याम प्रकाश राईले जानकारी दिनुभएको छ ।
पर्वको अवसरमा २७ गते यो समितिमा सम्वद्ध माद्यमीक शिक्षा परिक्षा र डिग्री उत्र्तीण गरेका छात्रछात्राहरुलाई सम्मान गरिने पनि समितिले जनाएको छ ।
यो समितिमा पाख्रीवासका ५७ घर किराँती राईहरु सम्वद्धछन् ।
