जिसस मकवानपुरमा एमाले विजयी
हेटाँैडा, २३ साउन । जिल्ला समन्वय समिति मकवानपुरका प्रमुखमा नेकपा (एमाले)का रघुनाथ खुलाल १४ मत प्राप्त गरी विजयी हुनुभएको छ ।
जिससको आज भएको निर्वाचनमा उहाँको निकटतम प्रतिद्वन्द्वी नेपाली काँग्रेस र नेकपा (माअोवादी केन्द्र) गठबन्धनका कृष्णप्रसाद दाहालले छ मत प्राप्त गर्नुभएको छ ।
यसैगरी उपप्रमुखमा एमालेकै भगवती पुडासैनी १४ मत प्राप्त गरी विजयी हुनुभएको छ । उहाँका निकटतम प्रतिद्वन्द्वी गठबन्धनकै विजयकुमार ब्लोनले छ मत प्राप्त गर्नुभएको छ ।
जिसस सदस्यमा एमालेकै देवराज रिमाल, गणेशकुमारी प्रधान, सीता अधिकारी, बुद्धिबहादुर मोक्तान, सानुकान्छी स्याङ्ताङ, चित्रबहादुर बलामी र सरिता विश्वकर्मा निर्वाचित हुुनुभएको छ ।
मकवानपुरमा आठ गाउँपालिका, एक नगरपालिका (थाहा) र एक उपमहानगरपालिका (हेटौँडा) छन् । रासस
