सर्वोच्च अदालत परिसरमा बम राखिएको हल्लापछि…
काठमाडौँ । सर्वोच्च अदालत परिसरमा बम राखिएको हल्ला निराधार भएको प्रहरीले जानकारी दिएको छ।
मंगलबार दिउँसो अज्ञात व्यक्तिले सहरजिष्टार नारायण पन्थीलाई फोन गरेर सर्वोच्चमा बम राखिएको बताएपछि इजलास खाली गराइएको थियो।
त्यसको केही समयमै बम राखिएको हो वा होइन भन्ने बारे तालिम प्राप्त कुकुरको प्रयोग गरी चेकजाँच गरिएको थियो। चेकजाँचपछि केही पनि नभेटिएको भन्दै प्रहरीले बम राखिएको हल्ला निराधार भएको जानकारी दिएको हो।
बम राखिएको हल्लापछि सर्वोच्च अदालतभित्र भागाभाग नै मच्चिएको थियो।
बम राखिएको हल्लापछि यस्तो देखिएको थियो माहोल:
– तस्बिरः आर्यन धिमाल / डिसीनेपाल
