हिलेमा संयुक्त वाम गठवन्धनको चुनावी सभा सम्पन्न
धनकुटा खबर । संयुक्त वाम गठवन्धनको चुनावी सभा आज धनकुटा नगरपालिका वडा नं हिले ओक्मालुङ्गमा सम्पन्न भएको छ ।
धनकुटा नगरपालिका प्रमुख चिन्तन तामाङ्गको प्रमुख आतिथ्यमा सम्पन्न सभामा वोल्दै वाम गठवन्धनका नेता तथा उम्मेद्धारहरुले धनकुटाको विकास, समृद्धी र प्रदेश नं १ को राजधानी धनकुटालाई वनाउनका लागि पनि वाम गठवन्धनलाई जिताउन आवश्यक रहेको भन्दै वाम गठवन्धनलाई मत दिन मतदातालाई आग्रह गरेका छन् ।
सभामा विप्लव समूह नेपाल कम्युनिष्ट पार्टी का जिल्ला सदस्य शुक्र राई नेतृत्वको १० जना र कंग्रेसका ५ जना वाम गठवन्धनमा प्रवेश गरेका छन् ।
सभामा १ नं वडाध्यक्ष निरन तामाङ्ग, नेकपा एमालेका जिल्ला कमिटी सदस्य नहकुल राई,माओवादी केन्द्रका जिल्ला कमिटी सदस्य नारायण तितुङ्ग, सिताराम श्रेष्ठ,जिल्ला समन्वय समितिका सदस्य ओङ्गदा तामाङ्ग, लगायतको उपस्थिती थियो ।
