अस्पताल छेउमै रोकिराखेको स्कूल बसभित्र पुरुषको शव फेला
भक्तपुर, १८ असार । मध्यपुरथिमि नगरपालिका–४ क्षयरोग अस्पतालसँगै रोकिराखेको बा १ ख ९११५ नं को स्कूल बसभित्र झुण्डिएको अवस्थामा एक पुरुषको शव फेला परेको छ ।
मध्यपुरथिमि नगरपालिका–४ तछुटोल बस्ने वर्ष ३० का बुद्धकृष्ण नापितको शव बसको सिट माथिको डण्डीमा झुण्डिएको अवस्थामा आज फेला परेको महानगरीय प्रहरी वृत्त थिमिका प्रहरी नायब उपरीक्षक श्यामबाबु ओलीयाले जानकारी दिनुभयो ।
मृतकको शव परीक्षणका लागि शिक्षण अस्पताल पठाएको र घटनाको थप अनुसन्धान भइरहेको प्रहरीले जानकारी दिएको छ । रासस
