नायिका तथा पूर्व मिस नेपाल सृष्टि श्रेष्ठ अस्पताल भर्ना
काठमाण्डौं, १९ असार । पूर्व मिस नेपाल तथा नायिका सृष्टि श्रेष्ठ अस्पताल भर्ना भएकी छन् । सोमबार सामाजिक सञ्जाल मार्फत आफ्नो दायाँ हात भाँचिएको भन्दै उनले अस्पतालको बेडबाटै खिचेको तस्बिर सार्वजनिक गरेकी छन् ।
घरको दराज लड्दा हातमा चोट लागेपछि उनी अस्पताल भर्ना भएकी हुन् । अस्पताल भर्ना भएको हल्ला भएपछि आफन्त र शुभेच्छुकले उनीबारे सोधखोज तीव्र पारेका थिए । ती सबैलाई धन्यवाद भन्दै उनले सानो सर्जरी पश्चात् हाल आफ्नो स्वास्थ्यमा सुधार आइरहेको फेसबुकमा लेखेकी छन् ।
उनी लाहुरे फिल्मको छायांकनमा व्यस्त थिइन् । फेसबुक मार्फत उनले लाहुरेको बाँकी छायांकनमा छिटै फर्कने आशा व्यक्त गरेकी छन् ।
सन् २०१२ मा मिस नेपालको ताज पहिरिएकी उनले ुगाजलुु मार्फत फिल्म क्षेत्रमा प्रवेश गरेकी हुन् ।
