फेरी सर्यो भरतपुरको सुनुवाई, अब भरतपुरले साउन २ गतेसम्म मेयर नपाउने
काठमाडौं २६ असार । भरतपुर महानगरपालिकाको १९ नम्बर वडामा पुनः मतदान गर्ने निर्वाचन आयोगको निर्णय विरुद्ध सर्वोच्च अदातमा परेको मुद्दाको सुनुवाई फेरि सरेको छ । अर्को सुनुवाई साउन २ गते हुने छ ।
न्यायाधीशहरु ओमप्रकाश मिश्र र पुरुषेत्तम भण्डारीको संयुक्त इजलाशमा मुद्दाको पेशी तोकिएको भएपनि न्यायाधिश ओमप्रकाश मिश्रले नभ्याउने भएपनि पेशी सरेको हो । पहिलो चरण अन्तर्गत वैशाख ३१ मा सम्पन्न भरतपुर महानगरपालिकाको मतगणना जारी रहेको समयमा जेठ १४ गते मतपत्र च्यातिएको थियो ।
मतपत्र च्यातिएपछि विभिन्न चरणमा अध्ययन गरेको निर्वाचन आयोगले पुनः मतदान गर्ने निर्णय गरेको थियो । तर उक्त निर्णयको विरोधमा सोहि वडाका वडासदस्यका उम्मेदवार समेत रहेका गुञ्जमान विकसमेत दुई जनाले सर्वोच्च अदालतमा मुद्दा दायर गरेका थिए । सर्वोच्च अदालते यसअघि च्यातिएको मतपत्रको सक्कल अदातलमा मगाएको थियो ।
