ट्रक र बस ठोक्किँदा दुबै सवारीका चालक सहित ३१ घाइते
असार ३१ । पृथ्वी राजमार्गको खटौटीमा यात्रु बस र ट्रक ठोक्किदा ३१ जना घाइते भएका छन् । महोत्तरीबाट काठमाडौँ आउँदै गरेको ना ५ ख ५०२ नम्बरको यात्रु बस र विपरिततर्फबाट जाँदै गरेको ना ६ ख १२४ नम्बरको ट्रक धादिङको बेनिघाट रोराङ गाउँपालिका वडा नं. ९ खटौटी पुल नजिक जुधेर दुर्घटनामा परेको हो ।
शनिबार विहान करिब साढे ६ बजे भएको दुर्घटनामा बस र ट्रक दुबै सवारीका चालक सहित ३१ जना घाइते भएको इलाका प्रहरी कार्यालय गजुरीका इनिस्पिेक्टर बरुण बहादुर सिंहले जानकारी दिए ।
गम्भीर घाइते ३ जनालाई उपचारको लागि काठमाडाँै लगिएको छ भने अन्य घाइतेहरुको मलेखु सामुदायिक अस्पताल र गजुरीमा उपचार भइरहेको छ । घाइते हुनेमा अधिकांश बसमा सवार यात्रु छन् ।
दुर्घटनापछि अवरुद्ध बनेको पृथ्वी राजमार्ग ३ घण्टापछि एकतर्फी खुलेको छ । लोड ट्रक भएकोले साइड लगाउन नसकिएकोले राजमार्ग खुलाउन समस्या भएको इनिस्पेक्टर सिंहले बताए । दुबै सवारीका चालक घाइते भएकोले दुर्घटनाका कारण खुलेको छैन ।
