के गर्न खोज्दै छ भारतले नेपाललाई ? नेपाललाई पनि सिक्किम झै सुलुत्त निल्न खोज्दै छ भन्दै नारायणमान बिजुक्छेले गरे गम्भीर खुलासा (भिडियो सहित)
काठमाण्डौ, १४ साउन । नेपाल मजदुर पार्टीका अध्यक्ष नारायणमान विजुक्छेले भारतले हरेक देशमा योजनावद्ध रुपमा हस्तक्षेप गरीरहेको आरोप लगाएका छन् । उनले जसरी दोस्रो विश्वयुद्ध पछि अर्थतन्त्रमा अगाडी बढीरहेको चिनलाई अमेरीकाले चारैतिरवाट च्याप्दै लैजान खोजेको थियो त्यसैगरी भारतले पनि आफ्नो एकाधिकार बढाउन खोजिरहेको बताएका छन् । भारत र चिन बिच भइरहको विवाद त्यसैको परिणाम भएको बताएका छन् ।
काठमाण्डौमा शनिवार आयोजित चिन, भारत तनाव र त्यसको प्रभाव विषयक अन्तरकृया कार्यक्रममा बोल्दै नेता विजुक्छेले सैनिक मामिलामा भारत चिन भन्दा बलियो रहेको टिप्पणी गरेका छन् । “त्यसैले पनि चिन युद्ध होस भन्ने चाहंदैन, उनले भने, भारतीय राजनीतिक विष्लेषकले भारत र चिनको सैनिक अवस्थाको विषयमा गरेको विष्लेषणमा यो कुरा उल्लेख छ ।”
उनले चिन र भारत विच भइरहेको अहिलेको विवादको अवस्थावाट नेपाल कसरी जोगिने भन्ने विषयमा भने सचेत रहनुपर्ने बताएका छन् । उनले भारतको थिचोमिचोको बिरोध गर्दै आफु सुरक्षित हुने तरिकाले कुटनीतिक निर्णय लिनुपर्ने बताएका हुन् ।
