पत्रकार महासघं धनकुटाका संस्थापक अध्यक्ष राईलाई उपचारका लागि आर्थिक सहयोग
धनकुटा खबर, १२ भाद्र । साझाँ सञ्चार नेपाल धनकुटाले नेपाल पत्रकार महासघं धनकुटाका संस्थापक अध्यक्ष सञ्जयसन्तोषी राईलाई उपचारका लागी आर्थिक सहयोग गरेको छ ।
साँझा सञ्चार नेपाल धनकुटाले आज एक कार्यक्रमका विच उपचारका लागी सहयोगार्थ नगद ५ हजार ५ सय रुपैया आर्थिक सहयोग गरेको छ ।
नेपाल पत्रकार महासघंका पुर्व केन्द्रिय उपाध्ययक्ष समेत रहनु भएका राई मुटु रोग सम्वन्धि समस्या भएपछि हाल काठमाण्डौमा उपचार गराईरहनुभएको छ । उक्त सहयोग रकम नेपाल पत्रकार महासघं धनकुटाका सचिव विदुर खवासलाई साँझा सञ्चार नेपाल धनकुटाका अध्यक्ष भेषराज कटेलले हस्तान्तरण गर्नुभएको छ ।
पत्रकारहरुलाई स्वास्थय समस्या पर्दा सहयोग गर्ने उद्देश्य अनुसार आर्थिक सहयोग गरेको साँझा सञ्चार नेपालका उपाध्यक्ष एवं आर्थिक समिति संयोजक डाः खगेन्द्र कटुवालले वताउनुभयो । आर्थिक सहयोग नेपाल पत्रकार महासघंका पुर्व केन्द्रिय सदस्य सिद्धराज राई लगायतको उपस्थितिमा हस्तान्तरण गरिएको हो ।
