चितवनमा गुडिरहेका दुई बस आपसमा ठोक्किए, तीन जनाको मृत्यु
काठमाण्डौं, २४ भदौ । पूर्वपश्चिम राजमार्गअन्तर्गत चितवनको राप्ती नगरपालिका–१ पिप्लेमा दुईवटा बस आपसमा ठोक्किँदा भएको दुर्घटनामा तीन जनाको मृत्यु भएको छ ।
दुर्घटनामा अरु २४ घाइते भएका छन् । नारायणगढबाट वीरगन्ज जाँदै गरेको ना५ख ८७०६ र विपरीत दिशाबाट आउँदै गरेको ना६ख ९१२५ नम्बरको आपसमा ठक्किएको प्रहरीले जनाएको छ ।
प्रहरीका अनुसार मृतक दुई पुरुष र एक महिलाको सनाखत हुन सकेको छैन । घाइतेको भरतपुर मेडिकल कलेज र चितवन मेडिकल कलेजमा उपचार भइरहेको छ ।
