मकै छोडाउदै बसेकी ७७ बर्षीय बृद्घालाई सिलौटो प्रहार गरी हत्या
अर्घाखाँचीको छत्रदेब गाउँपालीका ७, साबीकको भगवती ८ मा एक महीलाको शव फेला परेको छ । त्यसै गाउँमा बस्ने विश्नु पाण्डेको पनि बुटवलको तिनाउ नदीको किनारमा रहस्यमय अवस्थामा शव फेला परेको थियो । फेरी पनि त्यसै गाउँको काउँले उपल्लोधारा टोलमा मंगलबार एउटी ७७ बर्षीया वृद्घाको विभत्स हत्या भएको अवस्थामा शव फेला परेको थियो ।
७७ बर्षीय श्यामकला पाण्डेलाई सिलौटाले टाउकोमा र चिउडीमा प्रहार गरेर हत्या गरीएको पाइएको छ । बुधबार बिहान घटना स्थलको अनुसन्धान गरी शव पोष्टमार्टमका लागी सन्धीखर्क ल्याईएको जिल्ला प्रहरी कार्यालय अर्घाखाँचीका डि.य.स.पी एकनारायण कोइरालाले बताए ।
मुल आगोनाको छेउँमा मकै छोडाउदै बसेकी बृद्घालाई लिस्नो मुनी राखिएको सिलौटोले प्रहार गरेको घटना स्थलको प्रकृतिले देखाएको अनलाईन खबर एक्सप्रेसले उल्लेख गरेको छ । उनले कानमा लगाएको सुनको मडवारी छैनन् । घाँटीको सिक्रि आधा उनको हातमा र आधाँ भुईमा भेटीएको छ ।
