वर्षाले रोकिएको खेल सुरु, नेपाल गर वा मरको अवस्थामा
माघ २५ । डिभिजन टूमा नामिबियाविरुद्ध सहज १३९ रनको विजयी लक्ष्य पाएको नेपाल अहिले गर या मरको स्थितिमा रहेको छ ।
पानी परेर केही समय रोकिएको खेल सुरु भएको छ ।
अहिले क्रिजमा वसन्त रेग्मी र सोमपाल कामी रहेका छन् । अब नेपाललाई जितका लागि ४२ बलबाट २८ रन आवश्यक रहेको छ । सोमपाल २२ बलमा १२ रन तथा वसन्तले ५ बलमा ३ रन बनाएका छन् ।
नेपालले बलिङमा उत्कृष्ट प्रदर्शन गरे पनि ब्याटिङमा भने निकै कमजोर प्रदर्शन गर्यो । झिनो लक्ष्य पाएको नेपाल अब जितका लागि सोमपाल र वसन्तले कस्तो प्रदर्शन गर्छन् भन्नेमै भर पर्नेछ । उनीहरु टिकेर खेलेमा ३६ बलबाट २६ रन निकाल्नु खासै समस्या हुनेछैन ।
नेपालका लागि शरद भेषावकरले सर्वाधिक २९ रन बनाए । पारस खड्काले १९ तथा रोहित पौडेलले १७ रनको योगदान दिए । त्यस्तै ज्ञानेन्द्र मल्लले १५ रनको योगदान दिए । अन्य खेलाडीले दोहोरो अंकमा रन बनाउन समेत सकेनन् ।
