को हुन उमेरले ९० काटेका यी दम्पती जसले १ अर्बको सम्पती दान गरे : भन्छन- पैसा भएको धेरै छन, मन भएका छैनन् (भिडियो सहित)
काठमाडौं । शहरमा रहर धनको भेटिन्छ । मनको कमै छ । धनकारीको भकारी धनले नै भरिएपनि पुग्दैन । सत्य हो पुगिरहेको छैन । यो भन्न पनि छुट छ अग्लो महलमा बस्ने मनकारी मुश्किलै पाइएला सायद । नभएकाले नदिने भन्ने त के अचम्म भयो र तर भएकाले पनि भयो दिन्न भन्नु त सामान्य नै हो यो शहरमा ।
बरु हुनेहरु नै धनकालागि रुने गरेको देखिन्छन् । अलि थप्न पाए हुन्थ्यो भनेर भौतारिन्छन् । तर समाजले यस्तो दर्पण देखाउँछ जहाँ नियाल्दा नतमस्तक भईन्छ नै भईन्छ । परोकारले यस्तो आकार दिन्छ जसको तारिफ र तुलना शब्दले सकिदैन । तैपनि गर्नुपर्छ ।
उमेरले ९० काटेका श्रीजंग शाह र रुद्रकुमारी शाह । उमेर ढल्केपनि उत्साहको उचाई उग्लो छ । यसको कारण एउटै हो सेवा नै सर्वोपरि भन्ने सोच । परोपकारमा बनाएको परिचय । धनले सम्पन्न भएपनि मनले पनि देखाउने माहनता उनले यसपटक देखाए । सबैलाई चकित बनाए । चर्चा यी दम्पत्तिको सबैतिर छ ।
काठमाडौंको कान्तिपथमा रहेको तीन रोपनी तीन आना जग्गा र त्योसँगैको २ तले भवन उनले बर्दियामा रहेको फत्तेबाल आँखा अस्पताललाई उनीहरुले दान गरे । आफ्नो मृत्युपछि आफ्ना सन्तानलाई नभई सामाजिक कार्यमा खर्च गर्न निधो गरे । मूल्य करिब १ र्अबको छ ।
श्रीजंग शाह फत्तेबाल अस्पतालका संरक्षक पनि हुन् । अस्पताल उनकै बुवाले स्थापना गरेका हुन् । बिरासतलाई बलियो बनाउँदै लैजाने उनको योजना छ । जति सकिन्छ ,जति बाँचिन्छ अरुलाई पनि बचाउने हो उनले भने ।सामाजिक सेवाको सराहना अहिले व्यापक भैरहेको छ । यसबाट सन्तुष्टि पनि मिलेकै रहेछ उनीहरुलाई ।
नभएर नदिने भन्दा पनि भएर नदिने दरिद्र लाग्छ उनीहरुले बताए । बिचार बडो राम्रो । नतमस्मक भएर फर्किन्छन् भेट्नेवालाहरु । र भन्छन् यसको अनुसरणमा सबैलाई प्रेरणा मिलोस् । यी दम्पत्तिलाई यो उमेरमा देखाएको सेवा भावले समाजले सिक्न सक्ने धेरै कुरा छाडेको देखियो । शरीर अशक्त भएर आफ्नै चिन्ता गर्ने बेला समाज सेवाप्रतिको चासो नै चामत्कारिक लाग्ने । उनीहरुलाई कस्तो लागिरहेछ त ? रुद्रकुमारी शाह भन्छिन् ।
एक र्अब बराबरको सम्पत्ति दान गर्न त्यति सजिलो भने भएन । दम्पतिले आफ्नै सम्पति दान दिन पनि मुद्दा खेप्नुर्पयो। दान दिन खोज्दा मालपोत कार्यालयमा जग्गा रोक्का गराइएको रहेछ । विषय यहि मात्र सिमित भएन उदालत सम्म पुग्यो । पछि काठमाडौँ जिल्ला अदातले आदेश दिएपछि बल्ल एक अर्बको सम्पति दान गर्न पाए । अहिले धेरै धनकारीलाई यी मनकारीले चुनौती दिएका छन् ।
बरु शरीर ढलोस्, सम्झना सेवाको सर्वदा रहोस् यो चाहनाले देखाएको बाटोमा सबैले पाइला पछ्याउन सकुन् । कामना ।
