नवराज सिलवालको प्रश्न,- अभियोग नै नलागेको मान्छे कसरी फरार ?
काठमाडौँ । ललितपुर क्षेत्र नम्बर १ बाट निर्वाचित नेकपा एमालेका सांसद नवराज सिलवालले आफूमाथि फरार अभियुक्तको आरोप लगाइनु गलत भएको बताएका छन् ।
शनिबार नेकपा एमाले र माओवादी केन्द्रका सांसदहरुलाई दिइएको संयुक्त प्रशिक्षणपछि सांसद सिलवालले यस्तो बताएका हुन् । आफूलाई फरार अभियुक्त भन्दै सामाजिक सञ्जाल तथा सञ्चारमाध्यममा चर्चा भएपछि उनले यस कुराको खण्डन गरेका हुन् ।
उनले माइक्रो ब्लगिङ सामाजिक सञ्जाल ट्विटरमार्फत आफुलाई फरार अभियुक्त भन्नु गलत भएको स्पष्टोक्ति दिएका हुन् ।
‘नवराज सिलवालमाथि कुनै औपचारिक अभियोग दर्ज पनि छैन र उ कुनै फरार व्यक्ति पनि होइन’, उनले ट्विट गर्दै भनेका छन्, ‘तथ्यलाई वंग्याएर केही मित्रहरूले अन्याथा ढंगले प्रचार गरी जनमानसमा भ्रम फैलाएको प्रति दु:ख व्यक्त गर्दछु।’
