प्रदेश १ मा दैनिक ४ घण्टा ट्रिपर सञ्चालनमा रोक
धनकुटा खबर । आगामी पौष १ गतेवाट प्रदेश नं १ अन्र्तगतका धनकुटा सहित अन्य जिल्लाका मुख्य राजमार्ग र सहायक राजमार्गमा दैनिक ४ घण्टा ट्रिपर सञ्चालनमा रोक लगाईने भएको छ ।
सूरक्षा तथा ट्राफिक आवागनलाई ध्यानमा राख्दै विहान ९ देखी ११ वजे सम्म र दिउसो ३ देखी वेलुकी ५ वजे सम्म पीक आवरमा मुख्या राजमार्ग र सहायक राजमार्गमा ट्रिपर चलाउन रोक लगाईएको १ नं प्रदेश ट्राफिक प्रहरी कार्यलय ईटहरीलाई उधृत गर्दै जिल्ला ट्राफिक प्रहरी कार्यलय धनकुटाले जनाएको छ ।
सवारी दूर्घटना जोखिम न्यूनिकरणका लागि १ नं प्रदेशका सम्वन्धित सूरक्षा समिति समेतको निर्णय अनुसार उल्लेखीत मिति देखी तोकिएको समयमा मुख्य राजमार्ग र सहायक राजमार्गमा ट्रिपर नचलाउन सम्वन्धित सवैलाई आग्रह गरिएको जिल्ला ट्राफिक प्रहरी कार्यलय धनकुटाले जनाएको छ ।
