लैङ्गिक महिला हिंसा बिरुद्धको १६ दिवसिय अभियान सकियो
धनकुटा खबर । छथर गाउँलालिकाले लैङ्गिक महिला हिंसा बिरुद्धको १६ दिवसिय अभियानको समापन गरेको छ ।
समापनको अवसरमा गाउँपालिकाले महिला हिंसा र कानुनी अधिकारका बारेमा सचेतना कार्यक्रम गरेको छ । प्रदेश सभा ख का सांसद् ईन्द्रमणी पराजुलीद्वारा उद्घाटन गरिएको उक्त सचेतना कार्यक्रममा हुसाडेक धनकुटाका उपाध्यक्ष गिता अधिकारीले सहजिकरण गर्नुभएको थियो ।
गाउँपालिकाले ६ वटै वडा स्तरको बिभिन्न कार्यक्रम गरेर अभियानको समापन गरेको गाउँपालिका अध्यक्ष शेरबहादुर लिम्बुले जानकारी दिनुभयो । हरेक बर्ष अन्तराष्ट्रिय महिला हिंसा बिरुद्धको दिवशका दिन नोभेम्बर २५ बाट शुरु भई अन्तराष्ट्रिय मानव अधिकार दिवश डिसेम्बर १० का दिन यो अभियान सन्चालन गर्ने गरिएको छ ।
जस अनुसार मंसिर ९ देखि २४ गते सम्म नेपालभरी ‘लैङ्गिक हिंसा र दुर्ब्यबहार : छैन हामीलाई स्वीकार’ भन्ने नाराका साथ बिभिन्न कार्यक्रमका गरिएको छ ।
