धनकुटाका सरोज राईलाई कलिलै उमेरमा यति ठूलो रोग, बचाईदिन आग्रह
नारायण कुमार राई, धनकुटा खबर । ब्लड क्यान्सर भएका आफ्ना छोरालाई बचाउन धनकुटाका एक आमा–बुवा आमाले आर्थिक सहयोगका लागि अपिल गरेका छन् ।
गएको ३ महिना देखि क्यान्सर भएका शहिदभूमी गाउँपालिका वडा नं. ३ तेली टोलका ११ बर्षिया सरोज राईको उपचारमा समस्या भएको छ । उनको उपचारका लागि डाक्टरहरुले २० लाख रकम आवश्यक भएको भन्दै आमा सरिना र बुवा छत्र राईले सहयोगको लागि अपिल गरेका हुन् ।
‘मलाई बिदेश हुंदा सुगर भएर १२ लाख खर्च भयो,यसलाई त उपचार नै गर्न नसकिने झन ठूलो रोग पो लागेछ ।’–बुवा छत्रले भने । प्रारम्भिक उपचारका लागि नोवेल मेडिकल कलेज बिराटनगरमा उपचार पछि उनलाई थप उपचारका लागि भरतपुर क्यान्सर अस्पताल लान लागिएको उनले जानकारी दिए ।
बिद्यालयको १६ हजार सहयोग सहित हाल सम्म २ लाख ५० हजार सकिएछि थप उपचारका लागि आर्थिक अभाव भएको उनले बताए । स्थानिय जालापादेवी आधारभूत प्रा.बि.मा कक्षा ६ मा अध्ययनरत राईलाई हिंड्न नसक्ने,ज्वरो निको नहुने र नाक,मुखबाट रगत बग्ने भएपछि ब्लड क्यानसर भएको पत्ता लागेको थियो ।
कृषि पेशामा आवद्ध उनीहरु संग कुनै आम्दानीको श्रोत नभएकाले आफ्नो एक मात्र छोरा बचाई दिन राई दम्पतिले सबैलाई अनुरोध गरेका छन् । सहयोग गर्न ईच्छुक सहयोगी मनहरुले फोन नं. ९८००९६४८९६ मा सरोजको बुबालाई सम्पर्क गर्न सक्नुहुनेछ ।
