नयाँ तथा सुकिला नोट असोज १० गतेदेखि साट्न पाइने
काठमाण्डौ । दशैँ, तिहार, छठ लगायत चाडपर्वका लागि हरेक वर्ष दशैँअघि नयाँ नोट साट्दै आएको नेपाल राष्ट्र बैंकले असोज १० गतेदेखि नयाँ नोट साट्ने भएको छ ।
बैंक तथा वित्तीय संस्थालाई असोज पहिलो हप्ताबाट र सर्वसाधारणका लागि असोज १० गतेदेखि नयाँ नोट साट्ने गरी तयारी पूरा भएको नेपाल राष्ट्र बैंकका कार्यकारी निर्देशक लक्ष्मीप्रपन्न निरौलाले जानकारी दिनुभएको हो ।
नयाँ नोट लिएका अरु वितीय संस्थाले पनि असोज १० गतेदेखि मात्र नोट सटही सुरु गर्ने निरौलाले बताउनुभएको छ। राष्ट्र बैंकले यो वर्ष १३ अर्ब रुपैयाँको नयाँ तथा सुकिला नोट वितरण गर्ने जानकारी गराएको छ। बैंकले ५, १०, २०, ५०, १००, ५०० र हजार दरका नोट सटही गर्ने छ ।
