तामाङ समाज अमेरिकाको साधारणसभा सम्पन्न, बोर्डमा फेरबदल
न्युयोर्क । तामाङ समाज अमेरिकाको प्रथम साधारणसभा सेप्टेम्बर २२ आइतबार सम्पन्न भएको छ । न्युयोर्कमा भएको सभाले समाजका विधानलाई आवश्यक परिमार्जन गरि कार्यकारिणी बोर्डमा केही फेरबदल गरेका छन् ।
फेरबदल पश्चात् बोर्डमा अध्यक्ष सानुमाया तामाङ, वरिष्ठ उपाध्यक्ष सुमित्रा योन्जन, उपाध्यक्ष – बुद्दिमान तामाङ, महासचिव विनिता तामाङ, सचिव रोजबहादुर घिसिङ, कोषाध्यक्ष तुलबहादुर तामाङ, सहकोषाध्यक्ष सजुन थोकर रहेका छन् ।
त्यसैगरी बोर्ड अफ डिरेक्टरस् फुरु लामा, विष्णु तामाङ, अरुणा रुम्बा, रिनु तामाङ, युनिशा थिङ, सुरेन्द्र तामाङ दिलमाया तामाङ, राजु ब्लोन, वदिपेनशा लामा, नरराज (चन्द्र) लामा, सन्तबहादुर तामाङ, कुङ्गा दोर्जी लामा र संरक्षक लुईसाङ वाईबा तामाङ, शान्त बाबु थोकर रहेका छन् ।
समितिलाई चुस्त र दुरुस्त बनाउन फेरबदल गरिएको समाजमा भर्खर चयन भएकी महासचिव बिनिता तामाङले बताइन् । समाजकी अध्यक्ष सानुमायाले तामाङ संस्कृति अनुसार छ्युमे बालेर साधारणसभा उद्घाटन गरेकी थिइन् ।
कार्यक्रममा समाजका संरक्षक एवं स्थानीय एल्म्हर्स्ट अस्पतालका बोर्ड सदस्य लुईसाङ वाईबा तामाङ, संरक्षक शान्त बाबु थोकर, तामाङ बौद्ध तथा साँस्कृतिक केन्द्रका अध्यक्ष ईन्द्र तामाङ र गैर आवासीय नेपाली संघ अमेरिकाका क्षेत्रीय उपाध्यक्ष बाबुराम लामाले शुभकामना मन्तव्य राखेका थिए ।
साधारणसभामा समाजकी अध्यक्ष सानुमायाले भावी योजना र कार्यक्रम सम्बन्धि प्रतिवेदन प्रस्तुत गरेकी थिइन् । समाजका महासचिव बुद्धिमान तामाङले वार्षिक प्रतिवदन प्रस्तुत गरेका थिए । त्यसैगरी कोषाध्यक्ष फुरु लामाले आर्थिक प्रतिवेदन प्रस्तु गरेकी थिइन् ।
