चिनियाँ राष्ट्रपतिको बोइङ विमानको कारण त्रिभूवन विमानस्थल २४ घन्टा प्र’भावित हुने
काठमाडौं । चिनियाँ राष्ट्रपति सि जिङपि आउने बोइङ ७४७–८०० विमान अवतरण हुँदा त्रिभुवन अन्तर्राष्ट्रिय विमानस्थलको उडान तथा अवतरण २४ घन्टा प्रभावित हुने भएको छ ।
राष्ट्रपति सि सवार हुने जहाजले अन्तर्राष्ट्रिय उडान तर्फको जहाज पार्किङ वेको ८० प्रतिशत भन्दा बढी ठाउँ ढाक्ने भएकाले आठ वटा पार्किङ वेमध्ये चिनियाँ राष्ट्रपति आउने जहाजले मात्रै छ वटा जहाज पार्किङ गर्न सकिने ठाउँ ओगट्नेछ । जसका कारण अन्तर्राष्ट्रिय उडानमा २४ घन्टाभन्दा बढी समस्या आउने छ ।
चिनियाँ राष्ट्रपति सवार जहाज सम्भवत असोज २७ गते दिउँसो २ बजेर ४० मिनेटमा विमानस्थलमा ल्यान्ड हुने । ल्यान्ड भएको २४ घन्टाभन्दा बढी जहाज विमानस्थलमै पार्किङ गर्नुपर्दा अन्तर्राष्ट्रिय तर्फको ८० प्रतिशत उडान प्रभावित हुनेभएको छ।
