चिनियाँ राष्ट्रपति सी र प्रचण्ड बीच ए’क्लाए’क्लै भेट
काठमाण्डौं । नेकपाका अध्यक्ष पुष्पकमल दाहाल प्रचण्डले चिनियाँ राष्ट्रपति सी जिनपिङसँग भेटवार्ता गर्नुभएको छ ।
अध्यक्ष प्रचण्डसहित सत्तारुढ नेपाल कम्युनिस्ट पार्टीका सचिवालय सदस्यहरुसँगको संयुक्त भेटपछि प्रचण्ड र सीबीच एक्लाएक्लै भेट भएको हो । भेटमा आपसी हित र सम्बन्धको बारेमा कुरा भएको उहाँको सचिवालयले जनाएको छ ।
प्रचण्डसँगकाे भेटसँगै अहिले चिनीया राष्ट्रपति सी र प्रधानमन्त्री केपी शर्मा ओली नेतृत्वकाे प्रतिनिधमण्डलबीच उच्चस्तरीय वार्ता चलिरहेकाे छ । उच्चस्चरीय वार्तापछि दुई देशबीच आपसी सम्झाैता हुने छ । दुईदिने राजकीय भ्रमणको लागि हिजो नेपाल आएका चिनीया राष्ट्रपति सी आइतबार चीन फर्कनुहुनेछ ।
