महरालाई अदालत पेस गरिँदै
काठमाण्डौं, २८ असोज । ब लात्कार प्र यास गरेको अभियोगमा पक्राउ परेका निवर्तमान सभामुख कृष्णबहादुर महरालाई आज अदालत पेस गरिने भएको छ ।
उच्च रक्तचापलगायतका स्वास्थ्य समस्या भएपछि नर्भिक अस्पतालमा भर्ना भएका महराको स्वास्थ्य सुधार भएपछि काठमाण्डौं जिल्ला अदालतमा पेस गर्ने तयारी भएको स्रोतले बतायो । महरालाई शुरुमा सरकारी वकिलसमक्ष बयानका लागि पेस गरिने र त्यसपछि अदालत लैजाने तयारी भएको प्रहरीले जनाएको छ ।
उता पीडित भनिएकी रोशनी शाहीको कोठामा भेटिएको फुटेको चश्मा, जुत्ताको तलुवा, रक्सीको बोतल तथा गिलासको पहिचान गर्न महराको डीएनए परीक्षण तयारी गरेको प्रहरीले जनाएको छ ।
