शताब्दी पुरुष सत्यमोहन जोशी अभिनन्दित
संस्कृतिको संरक्षण र शिक्षाको विकासबाट मात्र मुलुक परिवर्तन सम्भब
काठमाडौं । काठमाडौको नेपाल आदर्श बिद्यार्थी परिवारले शनिबार गरेको अभिनन्दन तथा विद्यालयका भूतपूर्व प्रधानाध्यापक हरिशंकर श्रेष्ठको प्रतिमा अनावरण कार्यक्रममा संस्कृतिविद् सत्यमोहन जोशीले संस्कृतिको संरक्षण र शिक्षाको विकासबाट मात्र मुलुकको परिवर्तन सम्भव हुने बताउदै शिक्षालाई सर्वसुलभ बनाउनु पर्नेमा जोड दिनुभएको छ ।
संस्कृतिको संरक्षण नगरिए राष्ट्रिय पहिचान संकटमा पर्ने भएकाले कला, संस्कृति, भाषा र साहित्यको संरक्षण आवश्यक रहेकोमा पनि जोड दिनुभयो । उहाँले भूतपूर्व प्रधानाध्यापक हरिशंकर श्रेष्ठ शैक्षिक मात्र नभई सामाजिक अभियान्ता भएको बताउनुभयो ।
कार्यक्रममा शैक्षिक क्षेत्रमा योगदान गरेको भन्दै विभिन्न व्यक्तिहरुलाई सम्मान गरीएको थियो । नेपाल आदर्श विद्यालय परिवारले शताब्दी पुरुष संस्कृतिविद् सत्यमोहन जोशीलाई अभिनन्दन पनि गरेका छन् ।
