भ्र’ष्टाचार रो’क्ने हो भने पहिला ओली, प्रचण्ड र देउवाको सम्पत्ति छानविन हुनुपर्छ
काठमाडौँ । सत्तारूढ नेपाल कम्युनिष्ट पार्टीे (नेकपा)को केन्द्रीय कमिटीको बैठक जारी छ । विभिन्न समुहहरु बनाएर छलफल भइरहेको छ । प्रधानमन्त्री ओलीले कार्यक्रममा सम्बोधनको क्रममा नेकपाको सरकार आएपछि भ्र’ष्टाचार कमी आएको दाबी गरिरहँदा केन्द्रीय सदस्यहरूले भने नेताहरूकै सम्पत्ति छानविन गर्नुपर्ने माग राखेका छन् । नेकपाको नेताहरूले नै थोरै समयमै धेरै सम्पत्ति जोडेको हुनाले त्यस्तो सम्पत्तिमाथि छानविन गर्नुपर्ने केन्द्रीय सदस्य सुरेशकुमार राईले माग गरेका छन् ।
अ’वैध काममा समेत नेताहरुको सं’लग्नता भएको आ’रोप लाग्ने गरेको हुनाले त्यस्तो क्रियाकलाप रोक्नको लागि भए पनि नेताहरुको सम्पत्ति छानविन गर्नुपर्ने उनको धारणा छ । उनले भने, ‘प्रधानमन्त्री ज्यू भ्र’ष्टाचार रो’क्ने हो भने पहिला तपाई, क. प्रचण्ड र प्रतिपक्षी दलका नेता शेरबहादुर देउवाको सम्पतिमाथि छानविन हुनपर्यो ।
नेकपा प्रदेश नम्बर २ का अध्यक्ष प्रभु साहले प्रतिवेदन पेश गर्दै पार्टी नेतृत्वदेखि सरकारसम्मको सोचेअनुरुप कुनै काम गर्न नसकेको प्रष्टाए। प्रधानमन्त्री र सरकारका मन्त्रीहरुले विकास निर्माणबारे बोलेको कुरा कार्यान्वयनमा ल्याउनन नसकेको भन्दै शाहा नेतृत्वमाथि खनिएका थिए ।
संघीयतापछि तीन तहको सरकार निर्माण भए पनि जनताले सोचअनुरुप कुनै काम गर्न नसकको केन्द्रीय सदस्य कमला रोकाले बताइन् । बैठकका बोल्ने क्रममा तीन तहको सरकार निर्माणपछि जनताले थप दुख पाएको औँल्याइन्। स्थानीय सरकार निर्माण भएपछि पालिकास्तरबाटै झन् ठूलो भ्र’ष्टाचार निम्तिएको उनको भनाइ छ।
